Pubblicate 140 POESIE IN NAPOLETANO
Titolo: ‘A prumessa… Data Inserimento: 21/7/2023 alle ore : 13:36 comme passano ‘e minute, comme volano chest’ore che avvicinano ogne ghiuorno ‘o mumento ‘e ve spusà. Quanto tiempo che è passato pe’ ‘sti core ‘nnammurate ma ‘st’ attesa s’è fernuta v’hate fatto ‘na prumessa ca nisciuno po spezzà. |
Titolo: Nun me ‘a fa’ ‘ncuntrà ‘e faccia Data Inserimento: 18/7/2023 alle ore : 12:20 stammatina nun ce ‘a faccio… nun me ‘a fa’ ‘ncuntrà ‘e faccia …nun me ‘a firo ‘e suppurtà! Mò ca vaco… statte accorta… damme ‘n uocchio pure Tu, …quanno ‘a vide famme segno …nun me voglio ‘ntussecà! Tu ‘o ssaje nun cerco niente nun so’ ‘n ommo malamente, ma ‘sta cosa sulamente chesta vota me le ‘a fa’! Comme appena arape ‘a porta co’ ‘na bella sciuliata ‘na caruta ‘a coppa ‘e scale Patatè le ‘a fa piglià! Scànzame ‘a ‘sta malalengua ‘a ‘sta femmena ‘ngiucessa …miettancella ‘a mana toja …cirche ‘e nun me ‘a fa’ ‘ncuntrà. |
Titolo: Corro a ddo te Data Inserimento: 18/7/2023 alle ore : 11:22 …te voglio sta' vicino pecchè me manche assaje, ...tengo 'a malincunia. T'arraccumanne astrigneme; quanne me vide abbracciame; vieneme 'n contro subbito ...me voglio arrecreà. Te prego doppe vàseme, …nunn' aspettà 'n istante, …famme 'sta mossa celere primma ca ij vàso a te. Tu pe' tramente pienzame, mentre corro a ddo te; …suonname a uocchie apierte comme faccio ij cu te. |
Titolo: Vòglia ‘e te Data Inserimento: 18/7/2023 alle ore : 11:21 co’ penziero ‘e te ‘ncuntrà, pe’ ‘sta smania ca me vène da’ sperzanza ‘e te vasà. Faccio ‘e scale a quatto, a quatto, pe’ ‘sta voglia ‘e te vedè; …manco ‘e piède appojo ‘n terra, ij, pe’ correre a ddò te. Se me chiammano pe’ ‘a strata faccio finta ‘e nun sentì. …Se me vònno dì quaccòsa …faccio ammente ‘e nun capì. Quanno ancora nun te vèco nun riesco cchiù a magnà. …Comme vène accussì passa pure ‘o ggenio ‘e faticà! Haggio perzo tant’ amice pe’ resta’ vicino a te. Se è notte, oppure è ghiuorno, ij te vòglio ascianco a me. Se nun vàso chesta vocca ij me sento ‘e ‘scì ‘a ‘mpazzì! …Se nu juorno nun te vèco …senza ‘e te vòglio murì! |
Titolo: ‘A devozione Data Inserimento: 18/7/2023 alle ore : 11:20 Inte a ‘sta cchiesa ma quanta devote…! Ma che de chesta festa che fanno?! ‘Nu paese Marò s’arrevota! Stanno tutte già pronte pe’ ‘a messa. Ogni cosa già sta priparata …ccà ognuno sta sulo pe’ Essa, …pe ‘a Maronna rimane ‘ncantato... Sta chi trase purtanne ‘e bandiere e chi invece se miso a pregà, e chiagnenne pe’ dinte ‘e preghiere, all’altere se va addunucchià. N’haggio visto maje niente…, nun saccio chesta festa che fanno che de e’ allora me faccio curaggio e rimango curiuso a guardà. Nun capisco pecchè tanta ggente! So’ furastiero e vulesse capì…! ‘Stà Maronna e ‘o vero putente! …Trovo ‘o posto e m’assetto pur’ij. A luntano ‘na voce se sente: We marò tu ‘o vvì ij te ‘o faccio…! Stò ‘ncammino de ccinche ‘a matina, ma a mammà tu però me salvà! ‘N àto svène, ‘intrasatte, ‘nte a’cchiesa! Nu criaturo, ca striscia pe’ tterra! Quanta pene me fanno ‘sta ggente che ccà ddente se mette a pregà. Chesti scene me squartano ‘o core! Chisto strazio me lassano ‘o segno… e chiagnenno perciò me ne vàco pecchè, cchiù, nun riesco a guardà! |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]