Pubblicate 140 POESIE IN NAPOLETANO
Pubblicate 140 POESIE IN NAPOLETANO
|
Titolo: ‘A ppicceca Data Inserimento: 14/7/2023 alle ore : 9:52 ca se sentette, assaje, ‘e sbraità…; …ma se sentette ‘o vero ‘nu casìno …s’appiccecaje Annùccia co’ Giggino. Essa diceva: Bbasta mò è fernuto… nun si cchiù chillo ch’ haggio cunusciuto! Vattenne ‘a cca ca mò me so’scucciata…! Pigliate tutta ‘a dote ca ‘e purtato. Tiè pigliatella ‘stà pareglia ‘e maglie. Puortate pure tutt‘e cemmeraglie. Pigliate tutte ‘e ppenne e ppure ‘e fuoglie e levamille ‘a cca tutte ‘sto ‘mbruoglio! Tiecchete ‘e tre ppiggiame ‘e i mutandune. …Pigliate pure ‘sti quatte cazune. Puortate tutte chello ch’haggio avuto pecchè tra me e te mò s’è fernuto! Ma chella era ‘o vèro furiosa; …ce dette veramente tutt’ cosa! Giggino se pigliaie ‘a rrobba mmano e se ne steve ienne chiano, chiano, ma mentre se infilava già ‘o cappotto all’mprovviso se fermaje ‘e botto e le dicette senza ce penzà: Verimme pe’ ‘stu fatto comm’ e fa’! Ce stà ‘na cosa ca m’haggio scurdato! …Pigliate pure ‘e vàse che me dàto. Tiè viene ccà…! - Essa dicette: tràse - E uno …faceva isso (‘o primmo vàse). E ddoje faceva essa, e ‘ ttre po’ isso... e mmille, e ppo’ dduimila… ormaje spisso scuccavano ‘sti vàse ‘a ppriesso, ‘a ppriesso. Essa dicette: ià’ facimme ‘ambresso. Ma ormàje so’ ppassate già diec’anne e chilli stanno ancora llà cuntanne… |
|
Titolo: L’acquaiola Data Inserimento: 14/7/2023 alle ore : 9:51 ce venneva ll’acqua ‘onna Teresa; essa alluccava, co’ ‘a vucella fina: Io tengo ll’acqua fresca ogni mmatìna! ‘E passaggio me truvaje pe’ ccaso e me fermaie (pecchè so’ ccuriuso). Comme se dice: Ij metto sempe ‘o naso addò ce trovo apierto ‘nu pertuso. L’assaggiaie pur’io ‘st’ acqua e llimone e me sentevo ‘e sbattere ‘stu piètto. …Era fresca – si - ma ij me “cucietto”, e me “vullietto” comme ‘o maccarone. Mo ce stongh’io ‘o chiosco e’ essa esce. Ij spiccio ‘a ggente e ‘a nervatura cresce. Ce stongo ij sulo ccà…, tutt’ ‘a jurnata, penzanne ‘addò po’ stà’ ‘sta schellarata. Mo ce ‘a donch’io ‘a voce…, ma ’ntrasatto (quanno penso a ‘st’acqua ca m’ha fatto) senza parlà e senza fa’ casìno …‘a piglio e ‘a sbbaco dinte ‘o lavandino! |
|
Titolo: ‘O Presebbio Data Inserimento: 14/7/2023 alle ore : 9:50 ‘na Madonna troppa bella stà aspettanne ‘o Bambeniello dinte a chesta capannella. San Giuseppe, chiù scurnuso, l’haggio miso chiù annascuso …freddegliuso a ffianco ‘o ffuoco …l’haggio fa’ scarfà nu poco. Pe’ fa’ stà cchiù ‘n cumpagnia…, ‘nzieme ‘o vuoio e’ ‘o ciucciariello, pe’ llà fore mmiezzo a’ via, ce haggio miso ‘o pecuriello. Fòre a chesta capannella ce haggio miso pure ‘a stèlla co’ ‘na coppia ‘e Angiulille piccerille, piccerille. ‘N cimme a tutto ‘st’apparato ce haggio fatto ‘nu castiello e po’ ce haggio sistimato pure ‘o Rre dinte ‘o cancièllo. Ce haggio fatto nu turrente e vicino, a tene’ mente, ce haggio miso ‘na figliola che carrea ‘na bagnarola. Haggio miso, cchiù luntano, tre Re Maggi a cammenà, e’ ogni ghiurno chiano, chiano po’ ‘e faccio avvicinà... Cchiù annanze, a poche passe, comme se nunn abbastasse, ce haggio miso ‘o canteniero azzeccato co’ chianchiero. Dintea’ n’ato casariello ce fatica ‘nu ferràro e llà fora, puvuriello, …sta sunanne ‘o zampugnàro. Quanno po’ ll’haggio fernuto ‘nu ritocco c’è vuluto… tanta neve haggio vuttato; …tutte cose haggio ‘mbiancato. O presebbio ormaie è saputo è ‘na cosa naturale; …sempe a tutt’ è piaciuto cchiù ‘e ll’arbere ‘e Natale. |
|
Titolo: ‘A storia da felicità Data Inserimento: 14/7/2023 alle ore : 9:48 co’ ‘n amico chillo iuorno quanne, quase, senza scuorno io penzaie ‘e te fermà. M’arricordo ogni mumento …, era ‘e sabbato …e tu stive co’ Lucia e nun vedive che ‘e renzo m’accustavo. Ce vàco ij, Antò!... diciette. Ce parl’io mò a quatt’uocchie. …Songh’ ‘o masto de’ “ppapocchie”. …‘O sacci’io comme haggia fà. Ma chisà qual’ ‘a furtuna, llà, se presentaje ‘e sbotte, …chella chiurma ‘e giuvinotte me vulettene aiutà… Era ‘a festa ‘e Carnevale… te facevano ‘e dispiette, …tutta ‘a scumma pe’ scarpette te vulettano vuttà. M’accustaje cchiù vvicino e pigliannete ‘e ddifèse me mustraje assaie curtese; …era ‘a scusa pe’ parlà. Accussì co’ chella mossa ‘n coppe ‘o corzo chella sera passianno allero, allero te vuliette “arravuglià”. So’ passate già tant’anne quanno, quase, pe’ sorpresa tutte ‘e duje dinte ‘na cchiesa ce vulietteme spusà. ‘Nu bbucciolo ‘inte ‘e capille. ‘N coppa ‘a vesta… ‘na rusella; …mamma mia quant’ire bella… …rummanetteme ‘ncantate. Mò nuje simme ‘na famiglia. …Già fa parte do passato, che ij e te simme spusate, …ce vulimme bbene assaje. Chisto tiempo ormaje è vvulato ma me sento affurtunato …‘o Signore m’ha mannoto duje figlie assaje squisite. So’ ffelice ‘a chillo juorne che ce simme cunusciuto; …‘o destino m’ha vuluto… tanta ggioia arrialà. |
|
Titolo: ‘Stu còre ‘nnammurato… Data Inserimento: 14/7/2023 alle ore : 9:47 a chìsto còre ‘n pietto ca nun và; m’accorgo ca ‘ntrasatte nunn ‘o sento e chiano, chiano pare ‘e se fermà. ‘O sento che affanna sulamente, comme vulesse ‘a “corda pe’ girà”, allora haggio penzato – certamente – le manca ammore pe’ ‘o fa’ cammenà. Ma ‘nu rimmedio ce l’haggio truvato e doce, doce ce ‘o faccio capì, a chisto còre mio ca sta malato, ce dongo ‘a mmericina pe’ guarì. Ce trovo a’ n’ata ca ‘o vò bbene assaie e nunn ‘o lassa comme chella llà; che ‘o cura bbuono e nunn ‘o lassa maje, e’ a bbotta ‘e vàse me ‘o fa cammenà. |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]