Pubblicate 140 POESIE IN NAPOLETANO
Titolo: Via San Gregorio Armeno Data Inserimento: 14/7/2023 alle ore : 9:58 fanno ‘e ‘stu posto antico, e case alliminate abbagliano ‘stu vico. Pe’’a strata quanta ggente ‘inte a ‘stì sère resta fissato, a tenè mente, chèsti vètrine …a ffèsta. Fòra ‘e purtune appareno ‘na filarata ‘e stelle, e’ ‘nu splennore pareno ‘stì vasce accussì bbelle. ‘Sta ggente che cammina pe’ chesta strata ‘a sèra fa sempe ‘na mmuina…, …se sente ‘e ca mmanera. Chi ‘e ttene, o’ nun ‘e ttene ‘e sorde ‘e ‘stì ghiurnate …sempe cuntiento vene passianno pe’ ‘stì strate. Pure chi già ‘a tène addobba pe’ Nnatale …’a San Gregorio Armeno… se porta ‘nu riale. Stamme cuntiente assaje sentenne ‘st’armunia …nun ce stancamme maje ‘e stà dinte a ‘sta vìa. Se allero è chisto vico, mò ca tutt’è dinghiuto, …è sempe bbello ij dico… quanno tutt’ è fernùto. |
Titolo: Napule Data Inserimento: 14/7/2023 alle ore : 9:57 …te stò guardanne ‘a vasce Mergellina; …t’ammiro comme fusse ‘na guagliona; …te cerco comme ‘e ccose mie chiù care e so’ geluso se te “vase” ‘o màre. Napule bbello mij, Napule vivo …‘inde a ‘stì ccase prufumate ‘e màre, ‘stì lluce che te mannano ‘o splennore, metton’ a llustro ‘o cielo tutt’ ‘e ssere e cchiù nisciuno, ‘o vv,ì te po' rèsistere. Napule bello mij, Napule doce, mmiezzo a ‘sti strade “‘mbriacate” ‘e sole, ‘addò se sente sempe addore do ccafè, chi s’alluntana ‘a te ce lasse ‘o còre e ‘mpietto tene sempe ‘nu rancore. Napule bbello mij, Napule ‘e notte te fanno cumpagnia ‘stì stelle argiento appena ‘o sole sfuma e se ne trase, …‘stà luna che è scurnosa, all’intrasatte, rossa se fa, guardanne ‘stù “ritratte”. |
Titolo: ‘A dieta Data Inserimento: 14/7/2023 alle ore : 9:56 e nun so’ scise manco ciente gramme! Me so’ scucciato… mò ve dico bbasta!! Io nun ce ‘a faccio cchiu…; io tengo famme! Ve voglio dì, ‘o vero senza scuorne, ca stò facenne ‘a facce e ‘i recchie ianche. Stongo murenne ‘e famme tutte ‘e iuorne, …‘e chisto passo, ccà, ce ietto ‘o sanghe! Io m’addimanne e ddico, po’ penzanne: Ne vale ‘o vero ‘a pena ‘e fa ‘stì ccose, sulo pecchè po’ nun me vanno ‘e panne!! Ma chello ch’ haggio ‘a fa ll’haggio capito: ‘A chesta sera magno tutte cose e scenno a’ m’accatta ‘n ato vestito! |
Titolo: San Giuseppe, ‘a Maronna e’ ‘o ciucciariello Data Inserimento: 14/7/2023 alle ore : 9:55 ca succedette tanto tiempo fa (pe’ bia de’ malelengue ca ce stanno) a ‘sti duje Sante ‘ncoppe ‘o ciucciariello: ‘Nzunnate e stanchi pe’ dinte ‘o paese ‘na sera cammenanno miezze ‘a via, ce steva San Giuseppe cu Maria ‘n cerca ‘e nu posto pe’ putè durmì. Tutt’ e duje ‘ncoppe ‘o ciucciariello giravano riune e muote ‘e friddo. Ognuno ca ‘e vedeva… sbraitava: Ma che peccato ‘a fatto… puvuriello!! Io nun ‘a veco iusto… diceva uno; e’ n’ato ch’ alluccava – fuje ‘ntiso - povero ciucciariello, starrà accìso?! - Dicevano ‘uardanne chella scena - e San Giuseppe pe’ nun fa’ casìno dicette: Marì scinne nunn è ccosa, …‘a ggente murmulea… mò saglio ij sulo e tu cammina a ppère ccà vvicino… Ma ‘o stesso se senteva ‘e murmulià, da’ ggente ca ce steve ‘inte ‘e paragge: Cu chella panza annanze che curagge… isso a cavallo e’ essa tira ‘o ciuccio…! Allora manco è ccosa … essa penzaje: Peppì tu scinne ‘a lloco mò sagli’io…, …vedimme se fernisce ‘stu pruciesso…! Cammina a ppère tu… nun se sa maje… Ma chillo murmuriccio aumentava; …ancora cchiù putente se senteva ‘stà ggente ca inte ‘e rrecchie se metteva; …chillo viecchio ca pena le faceva. Guardate llà… ovvì …tenite mente…, isso cammina a ppère senza forze e’ essa, cchiù piccerella, va a cavallo! - …‘N ciuciava ancora chella mala ggente - Allora tutte ‘e duje, cu curaggio, scennetteno do ciuccio ienne appere; penzaiene: da cca se vede ‘o vère se accussì ce fanno stà’ cuieto. Ma mentre cammenavano ‘mbaranze sentetteno ‘na voce ca trunava: …Ij nun capisco comme songhe strane, ‘uardate… lloro a ppère e ‘o ciuccio annanze. …Dicevano ‘sta ggente do paese: Ma chiste dduje songhe fessi ‘o vero, …‘o ciuccio sulo e tutt’ e duje a ppère. (facennele sentì chelli pparole) Allora San Giuseppe se ‘ncazzaje e steva veramente furiuso, …dicette senza perdere ‘a raggiòne: nun ve va bbuono niente ‘e comme faje!? Pe’ ppoco, ‘o vero, nun perdette ‘a calma; …dette ‘n llucca ‘n capo a tutt’ quante. Facìte perdere ‘a pacienza ‘e Sante!! Maria dicette, tutta ‘ntussecata. L’ammò lasciato sulo e nuje arreto… …Co’ tutte e dduje ‘ncoppe hammo pruvato… …A’ uno a’ vota manco è stato còsa! Ma comme avimme ‘a fa pe’ stà cuieto! Marì… ormai ‘na cosa s’è capìta: (dicette San Giuseppe scunzulato) Nisciuno è pronto ccà pe’ aiutà a’ n’ato, …‘sto munne sape sulo parlà ‘a rreto! |
Titolo: Natàle Data Inserimento: 14/7/2023 alle ore : 9:53 ‘inte a chesti ghiurnate, …ognuno tène mente ‘sti ccase ‘utte agghindate. Vèco ‘na capannella dinte a’ ‘nu casariello, ‘addo ‘na cunnulella aspetta ‘o Bambeniello. Quant’ arbere addubbate stanno pe’ miezzo a’ via e ‘a luce ‘e ‘sti llummate ce manne l’armunia. E’bbella ‘st’ alleria ca stà mmiezzo a ‘sta ggente, …leva ‘a malincunia …‘e vveco chiù cuntente. Chi sempe ‘e stesse panne; chi a nuovo s’e ‘ngignate, …sempe cuntiente vanne…, giranne ‘e ‘sti ghiurnate. Ognuno dinte a ‘stu mese, primma ca è Natale, senza badarce a’ spese, vanno a piglià ‘e riale. ‘Sti iuorne… tutt’ scorda, e ‘nzieme co’ l’amice, pure chi nun tene sorde ‘e vide chiù felice. |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]