Pubblicate 140 POESIE IN NAPOLETANO
Titolo: Ammore annascuso Data Inserimento: 14/7/2023 alle ore : 8:58 ‘na poesia d’ammore addò ‘a ‘nchiostra fosse chesto sanghe e ccomme carta ce mettess’ ‘o core, pe’ ddirte quanta bbene ‘stù core mij te vò e quanta vote, ‘inte a’ ‘n attimo stong’ penzanno a ttè. Io ce scrivesse quant’ammore provo e ce ‘a facesse leggere sultante a ‘ste uocchie tuoje. Io te vulesse scrìvere ‘sta poesia d’ammore ‘ncòppo ‘addò maje nisciuno putesse putè leggere chello ca ij nu’ scrivo … pe’ nun’ fa’ maje vedè... Io me ‘a mercasse a ffuoco ‘ncòppe ‘o core e te ‘a dicesse… parlannete co’ ‘e vàse pe’ nun fa’ maje sapè… chello ca si pe’ mme. |
Titolo: Bbuciarda Data Inserimento: 14/7/2023 alle ore : 8:57 raccontame pe’ ‘n ata vota ancora… ‘stà stòria ‘e chesta favola d’ammore. Famme durmì ‘nappoco ‘inte a ‘stù suonno! …Famme ‘o sunnà‘nappoco ‘chist’ ammore! …Nun dirme ancòra ca tutt’è fernuto! Dimmelle pure mò: Tè voglio bbene! Dimmella ‘n ata vòta ‘stà bbucia! Famme furnì ‘e sunnà, nun mè scetà… pecchè chi se sceta n’zuonne po’ murì. Cara bbuciarda mia, cara bbuciarda strigneme forte a te… pe’ ‘nu mumento. Famme restà ‘nappoco dinte a ‘stì bbracce! …Nun me lassà, continua a recità… Famme ‘a sentì ‘stà fàvola d’ammore! Famme ‘a furnì ‘e sentì chesta bbucìa! Damme ‘a felicità pe’ ‘nato ppoco! Fernisce ‘e recità, primma ca mòr’. |
Titolo: …‘O tiempo passa Data Inserimento: 14/7/2023 alle ore : 8:56 ‘ncopp’ a ‘stà faccella toja e ‘ò prufummo ‘e mille rose che tè stregne cù gulio, penz’ a comme ‘a giuventù te vò fa cchiù ccumpagnìa. Quanno sento ‘stà vucella ca nun pparla ma suspira …stongo zitto e nun respir’ pe’ sentì ‘stà melodia. …Faccio ‘e llotte co’ penziero …dico: è ssuonno o’ fantasìa. Quanno veco ‘st’ armunia che te porta chianu, chiano agli amici cchiù vicino e a’ famiglia a vulè bbene… dìco ‘int’ ‘e penziere mij che te stà ‘uardanno Ddio. Quanno po’ ‘stù tiempo passa e ogni ghiuorno ‘o vviecche scuorde… oj nè però ricuordate ‘e penzà a ‘stà jurnata che redenne e pazzianne festeggiav’ i diciott’anne. |
Titolo: Fantasia d’ammore Data Inserimento: 14/7/2023 alle ore : 8:55 turnanne a’casa, a’ iere, dinte ‘o scùro, all’impruvviso m’ha parlato ‘a luna. M’ ha ditto: Voglio vedè se veramente vuje pruvate ammore. Dimane appena s’arreposa ‘o sole, ij sponto da’ muntagna appèna è scùro e pe’ riale, a’ ‘nnammurata toja, ce porto tanta stelle… a mmiliune. Ce lle ‘a cuntà, però cu ‘e vàse, a’un’ a’ une…! …Senza sbaglià… zumpannene nisciuna! Se nno pe’ tutt’ ‘e mmammurate so’ dulure, …‘e stelle ‘n cielo n’è vedite cchiù! Ij che paura ca mò tengo ‘n cuorpo, - pe’ chello che m’ha ditto – overo, ggiuro! Ccà, se nun ce vasammo… hammo traruto e tutte ‘e nnammurate ‘e coppe ‘o munno pe’ tutt’ ‘a vita, ‘a sèra, stanne ‘o scùro. Damme ‘stì vàse, sienteme a me… …mettimmece ‘o sicuro! |
Titolo: Luna spiona Data Inserimento: 14/7/2023 alle ore : 8:54 chianu, chiano ce simme snervate e a ‘ste uocchie tuoje ‘na lacrema è scesa e s’è ‘ntiso ‘stà terra ‘e tremmà, comme fosse caduta ‘na stella. Mò te guardo chist’ uocchie lucente e cchiù fforte ‘stù core me sbatte e strignennete forte a ‘stì bbraccia cchiu scuro me pare ‘stù cielo pe’ ‘na stella ca ‘n cielo nun c’è stà. Cù ‘stà luna ca ‘e sbircio ce spia, ma che smania me sento ‘e venì! Dice a ttè, zittu, zitta annascosa (posta arreto a’ ‘na nuvola rosa): ja nennè mò nun’ chiagnere cchiù, che ‘st illacreme toje so’ ‘e mije pecchè ‘e stelle me servono a mme, …‘a notte me ce vò cumpagnia; …sola, sola nun voglio restà. A mmè me dice, ‘stà luna spiona: ‘N’ alluccà cù ‘stà voce pussente che tutt’ ‘a ggente putisse scetà! …Sfruttatella cantanne canzon’ a ‘sta bbella ca tien’ vicino che cantanne, cantanne po’ vide comme è ddoce ‘inde ‘o scuro restà, trà ‘nu ciancio, duje carizze e ‘n abbràccio, sott’ ‘e stelle strignute a vasà. |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]