Pubblicate 140 POESIE IN NAPOLETANO
Titolo: Ma va ffa ‘n culo! Data Inserimento: 13/7/2023 alle ore : 12:51 …Na cammesella iaca ‘e seta fina. …Na scarpetella lucida appuntuta. …Parevo ‘nu friscone ‘sta mmatina. Già ero stato pure a ddo barbiere. Già era tutto pronto appriparato…, ma tu ‘inte ‘a cchiesa nun ce si venuta e all’altare, sulo, me lassato. Forse e creduto ‘e farme ‘nu dispietto!? Tu te credive che pe’ tanta rraggia ij me scippavo tutte ‘e pile ‘a pietto? No, nun me dispiace ‘e restà sulo! Ma te vurria ‘ncuntrà pe’ ‘nu minuto pe’ dirte: “Saije che ‘a fa…? Ma va ffa ‘n culo”! |
Titolo: ‘O putecaro Data Inserimento: 13/7/2023 alle ore : 12:49 …Ve vulite arrecreà? …‘A vulite n’accuglienza pure meglio ‘e ‘nu pascià? Ccà truvate a 'sta puteca tutta merce ‘e qualità …tutta rrobba genuina! ...Ij ve faccio arrecreà! Ccà truvate, certamente, tutt’ ‘a rrobba ‘n quantità; …tutto chello ca vedite è ‘na vera nuvità! Quanno vuje trasite ccà, io ve lascio immagginà… …nu prufummo ‘e primmavera che cchù buono nun ce stà! Tengo tutto assaje squisito …chesta rrobba è ‘na bbontà…! …Tengo ‘o bbuono, …’o ssapurito …tengo tutto… ‘e ‘i qualità. |
Titolo: ‘O piccirillo Data Inserimento: 13/7/2023 alle ore : 12:48 …è ‘nu palmo e’ ‘nu zichillo, …mamma mia quant’ è bellillo, …me ‘o magnasse a muzzichille. Mentre ‘o ‘aurdo ‘stu nennillo, …cu ‘e carezze e cu ‘e vasille, …ce ne desse a mille, a mille, vase, abbracce e pizzichille. Comm’ è tennera ‘a vucella, chella ‘o vero è assaje bellella, ma cchiù bbella è ‘sta faccella …vispa, rossa e tunnulella. Dorme comm’ a ‘n Angiulillo, …me ‘o vasasse ‘stu mussillo …pare ‘o vero ‘nu gingillo …tene ‘a seta pe’ capille. |
Titolo: ‘Na vita ‘n zieme Data Inserimento: 13/7/2023 alle ore : 12:44 “ ‘Na vita ‘n zieme” è ‘o nomme ‘e ‘stu rumanzo che avite scritto vuje a ddoje mane, …‘a ddò sta scritto ‘a storia ‘e chist’ammore e ’a ddò po’ s’ ‘a dda scrivere ‘e dimane. …Isso accummence ‘a tiempe assaje luntane, …‘a quanno duje ‘uagliune ‘nnammurate, sperute ‘e se vasà l’uno co’ ll’ato, detteno ‘a munno ‘o figlio: Furtunato. E furtunato fuje chist’ammore che doce, doce scorre ‘inte a ‘sti vvene, …isso cammina, corre, chisto bbene e a tanto tiempo ‘n zieme, v’ ‘ntrattene. Se legge dinte ‘a storia de’ ‘o passato che chist’ ammore fosse forte assaje e tra carizze e mille vase ardente chesta famiglia grossa addeventaje. Ognuno a’ uno a’ vota s’è spusato e se so’ fatte ‘na marmaglia ‘e ggente; …ormaje so’ cchiù ‘e trenta ‘sta famiglia partut’ ‘a na nuttata ‘e sentimiento. Sta scritto a’ ogni pagina che giro che tutt’a’ unite ‘nzieme so’ crisciute, …se so vulute bbene uno cu ll’ato: ‘e figlie, nòre, iennere e nepute. Chello ‘e dimane nun sta scritto ancora ma ‘a speranza che mò ce mantene e che ‘stammore nun fernesse maje, e che pe’ ssempe ce vulimme bbene . |
Titolo: ‘E “ccerase” Data Inserimento: 13/7/2023 alle ore : 12:43 chi invece ‘e cerca grosse e tunnulelle; ognuno ‘e nuje comm’ è trova, ‘e trova dice: so’ sempe bbelle a te guardà ‘sta coveta ‘e bellizzze prelibate! A vvota penzo, quant’ è certo Ddio, ca si sulo m’è truvasse dinte ‘e mmane ‘sti frutte ‘e stu ciardine “pruibito”, …cu nu mussillo miso a forma ‘e vàso subbeto me zucasso tutte e ddoje e me dignesse ‘a vocca tutta quanta ‘e ‘sti “ccerase” belle e prufumate! |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]