Pubblicate 140 POESIE IN NAPOLETANO
Pubblicate 140 POESIE IN NAPOLETANO
|
Titolo: ‘N cerca d’ammore Data Inserimento: 17/7/2023 alle ore : 12:43 l’ammore e nunn ‘o trovo… ‘sti iuorne se ne vanno e nunn se fa truvà! A tutte metto spia… pe’ mmare e pe’ muntagne; …stò giranne ogni via ma nun saccio addò stà! ‘A speranza è fernuta! Me stongo rassignanne… …‘sta cosa è risaputa: Io sulo haggia restà! Ma, dice po’ ‘stu core: Nun perdere ‘a speranza …arrivarrà l’ammore… …maije ‘e furnì ‘e cercà... Ma ormaje ij nun ce credo…, ccà ‘o tiempo stà passanne…. …cchiù ‘e chesto nun ve cerco: Me voglio ‘nnammurà! |
|
Titolo: ‘O tiempo passa… Data Inserimento: 17/7/2023 alle ore : 12:41 cagne ogni ccosa senza fa’ rummone comme ‘a funtana dinte a’ ‘nu ciardino che a goccia, a goccia te fa ‘o lavarone. Iuorne pe’ ghiuorne ‘o tiempo se cunzuma ambressa, ambressa senza ‘na ragione… Pur’ ‘a campana ca ‘inte a’Cchiesa sona a poco, a poco te fa ‘na canzone. Quanno te pienz’ ‘e cummincià ‘o cammino… si già ‘nu viecchio e ‘o mmeglio l’ he perduto… Passano ll’anne ‘ncoppe a chesta faccia e sponta ‘n ato surco maje avuto. ‘O tiempo passa e nunn’ t’aspetta maje. …Passa fujenno e chi ‘a avuto, ‘a avuto. …Nemmeno ‘o tiempo pe’ penzà ‘o passato… t’avuote arreto e tutto s’è fernuto! |
|
Titolo: ‘A funtanella Data Inserimento: 17/7/2023 alle ore : 12:40 Quanta ricorde chesta funtanella che me menava ll’acqua a lavarune… …stevamo ccà vicino tutt’ ‘e iuorne… Che cumpagnìa… quann’eramo ‘uagliune! All’angulo da’ strata ‘e chesta via ognuno ieva sotto a se spassà! Chi se sciaquava ‘a faccia ogni mumente…! …Chi se metteva sulo a pazzià! Mò “morta” e’abbandunata… sola, sola …nisciuno ‘a maje penzato d’accuncià… pe’ ognuno che ‘a ‘uarda le fa pena… e’ hanno già penzato da levà. Quanta ricorde chesta funtanella che sa pigliata ‘a meglia giuventù! …Quanno ce passo a’ fianco cocchè vvota ij faccio finta ‘e nunn’ ‘a ‘uardà cchiù! Ma ij tengo ancora ‘na fotografia…, ‘ngialluto da ‘sto tiempo ca è passato, …me ‘a caccio fore quanno stongo sulo, e po’ me ‘a stipo… triste e scunzulato. |
|
Titolo: ‘A resata Data Inserimento: 17/7/2023 alle ore : 12:39 ‘nu vizio grusso assaje… nunn’ l’haggio perzo maje… ma che ce pozzo fa! Io cerco ogni minuto ‘e sta’ cu allerija; …io ca malincunia nunn voglio avè a che ffà! Io rido ogni mumento… …Se nunn’ haggio magnato… o’ stongo disperàto… io cerco ‘e nun penzà! Mugliereme me dice: Tu ride ‘ncuollo a tutt’… …me pare ca ce sfutte… …pare te vuò spassà! Penzate ‘e me …sbagliato! Ma nun me ‘mporta ‘e niente…! Me ‘a piglio alleramente… …nun mòro pe’ campà! Sulo accussì redenno me scordo ‘e tutt’ ‘e ‘uaje…; …io rido, rido assaje… …so’ pazzo e ch’ haggio ‘a fa’! Chiammateme ‘mpazzuto, ..vuje che ‘e me sparlate, ma ij co’ ‘sti resate me voglio ‘e ‘uaje scurdà! Perciò a chi tene ‘e ‘uaje… le faccio ‘sta mmasciata: Fattelle ‘na resata ca bbene te farrá! |
|
Titolo: ‘A Bbefana Data Inserimento: 17/7/2023 alle ore : 12:38 te vene sempe a dà bbona furtuna lasssannete ‘a cazetta co’ ttorrone e ‘i cattivi ce mette ‘o ccarbone. Se ‘nfilza dinte ‘e ccase ‘e tutt’ quante. Chi n’ave poco e chi invece tante …maje ha lassato co’ ‘e mmane vacante chi ‘a notte aspetta ‘sta vecchia “vulante”. Sul’ io, però, (‘a che me teng’ a mmente), ‘a man’ ‘a essa, n’ haggio avuto niente! Sarà pecchè ij songo dispunente? O’ che ‘e me nun se ‘mpurtata ‘e niente?! Ma ce sarrà venuta a’ casa ‘sta “mappina” e s’ha scurdato ‘a scòpa ‘inte ‘o camin’… pecchè quanne ij cerco ‘o rialin’… mammà ‘a scòpa, m’’a ralle ‘inte ‘e rine. |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]