Pubblicate 140 POESIE IN NAPOLETANO
Pubblicate 140 POESIE IN NAPOLETANO
|
Titolo: Casal 'e Principe Data Inserimento: 17/7/2023 alle ore : 12:56 e ‘i ‘stu paese sento sempe ‘o mmale! Maje s’è spìso ‘na parola ‘e bbene appena sento ‘e nnummenà Casale…! Ormaje ccà se porta ‘a nummenata! Ognuno sape sulo ‘o malamente…, ma ce vulesse dì…: “Uardate bbuono… che ce truvate tanta bbrava ggente”! Certo sarrà pecchè ‘n tiempe passate quaccuno ‘e ‘stu paese avrà sbagliato! Ma chi ‘inte ‘a vita nunn’ ‘a maje sbagliato …sul’isso murarrà senza peccato! Ce hanno tegnuto nire a’ uno a’ uno… tutt’ ‘e giurnale e televisione! Ce stanno a scarpesà ogne minuto …parlanno male ‘e nuje senza raggione! ‘E tutte quante fanno una menesta! Ognuno parla tanto pe’ parlà, ma ‘e chillo che fatica onestamente …nun sanno quanta ggente ca ce sta! |
|
Titolo: Pe’ rràzzia ricevuta Data Inserimento: 17/7/2023 alle ore : 12:54 ‘Sta stanza è sempe ‘nchiusa. Chisto silenzio assurdo te fa agliottere amaro tutt’ ‘e paure toje. Stunata de penziere, co’ ‘a capa ‘n faccia ‘o muro, fiss’ ‘o lilorge appiso…, che, rutto, sta fermato…, ma tu te ‘o ‘uarde ancora pecchè distratta staje. Te vide annanze a l’uocchie, minuto pe’ minuto, ‘na lotta assaje putente da vita contro ‘a morte, e chesta rraggia “fotte” tutt’ ‘e penziere tuoje. Nun saje chiù truvà pace. Chiagne tu sola e priej ‘sta statua da Madonna …llà annanze ‘e piere tuoje, penzanne a mamma toja che, sola, sta luttanne pe’ vencere co’ ‘a morte. Ma all’impruvviso, o vvi’ ll’oco…! ‘A porta s’ è arraputa! …Cirche ’e capì ch’ è stato! …Llà dinto ch’è succieso! Passano a’ uno a’ uno, pe’ ‘nnanze a lluocchie tuoje, miereche “sordomuti” ma tu sbircianne vide, mentre se ‘nzerra ‘a porta, ‘a faccia ‘e mamma toja e’ ‘nu lavaggio appiso, …allora t’accumpare ‘o pizzo ‘e ‘nu surriso. Pienze che allora è fatta! …Mammeta è asciuta viva! No, nun te pare ‘o vero ‘e chello ca è succieso! …Cade ‘n ginocchio e vàse ‘e piede da Madonna pe’ ‘rràzzia ricevuta. |
|
Titolo: Grazzie a tte Data Inserimento: 17/7/2023 alle ore : 12:53 quanta bbene haggio avuto! Quant’ammore a ‘stu core è trasuto a che si tu ‘e me ‘nnammurata. Grazzie a te ij me sento ‘o padrone ‘e duje uocchie cchiù bbelle de’ stelle, …‘e ‘na vocca cchiù doce do mmele. Grazzie a te che me tiene vicino; …ca me pienze pe’ tutt’ ‘a jurnata, e me tiene cu te abbracciata. Grazie a te quanno ‘a notte me vase e me dice: Ià stamme abbracciata ca me sento felice accussì… Grazzie a te prego a Ddio ogni sera e le dico: “Ij vulesse murì!” si nun fosse cchiù ‘e te ‘nnammurato. |
|
Titolo: Averza paese mij Data Inserimento: 17/7/2023 alle ore : 12:52 pe’ dinte ‘e viche do paese mij ‘na scena me ‘ncantaje pe’ ‘a guardà. Mentre tranquillo me ne jevo a’ casa, penzanne che ‘a jurnata era fernuta, vediette duje amice ‘e s’abbraccia. Cu tanta foja comme se strignevano, …comme nun se vedessero ‘a tant’anne. L’uno diceva a ll’ato: “Comme staje…?” e l’ato le diceva: E tu che faje? Abbracce e bbaci chiù nun se cuntavano. ‘A ll’uocche se leggeva tutto ‘o bbebe che ognuno ‘e lloro se sapeva da’. Felice che s’avevano ‘ncuntrato ognuno se cuntava ‘e cose soje. Uno dicette: Pascalì ‘o ssaje… me so’ spusato e vivo in Argentina. Vaco giranne ‘o munno sotto e ‘ncoppa America, Brasile, Tunisia …sapisse comm’è bello viaggià! L’ato le rispunnette: Invece ij no! nun me so’ maje spusato …vivo sulo e, fortunatamente, stongo ccà. Ma comme…! - rispunnette ‘o furastiro – ij haggio visto quase miezzo munno, …tu invece nunn ‘e visto ancora niente, e ddice ca te siente furtunato? Nun saje ca te perzo amico caro! - Continuava ‘st’ ommo a raccuntà - Nun saje quanta ggente può ‘ncuntrà! ‘A vita è breve e si nun gir’ ‘o munno nun saje quanta rrobba ca ce stà… Diciette fra me e me: tene raggione…, ‘o furastiere dice ‘a verità! Forze pur’ij avesse ‘a cammenà! Forze pur’ij avesse ‘a viaggià! Chisà quante ne scupresse ‘e nuvità! Ma no, te sbaglij ‘e grusso, ma che dici?! - subbeto le rispunnette Pascalino – “Chille che ‘a perzo ‘o meglio nun songh’ij!” …Ij so’ rimasto ‘inte ‘o paese mij …addò me vene a mmente ‘e tiempe antiche ‘e quanno passianne tutt’e duje, pe’ bascioa’ scesa o’ sotto a’ Nunziata, senza penziere e senza cinche lire, faceveme li meglio fessarie. Si tu ca te scurdate chille tiempe, quanno giranne Averza sotto e ‘ncoppa …pe’ miezzo a’ Villa e pe’ fòre Sant’Anna ‘o munno ce pareva steva ccà! E po’ da’ ggente ‘e fòre nun me ‘mporta! …Ij tengo amice vère a ‘stu paese. Amice mieje sincere, curdiale; ‘o furastiere ‘a penza a modo suoje! …Nunn è napulitano comme a nuje! …Nun è carnale. …Nun te presta ‘o core. …Nun tene tutte chesti qualità! Allora ripenzannece a ‘stu fatto, diciette: E pure chist’ ato ommo manco sbaglia! Pure ‘stu Pascalino have ragione! A ‘stu paese ij pure ce so’ nnato e maje me ne iesse pe’ ‘o cagnà! Facess’ ‘nu viaggio, …si l’ammetto, ma doppe qualche ghiuorno stess’ ccà! …Nunn ‘o mettesse a cagne cu nisciuno! …Nisciuno chiù d’Averza me po da’ tutta ‘sta brava ggente che ce sta! M’alluntanaje ‘a lloro chiano, chiano e me ne ietto cunzulato a’ casa, penzanno a chella scena ‘mpruvvisata redenne sotto ‘e bbaffo doce, doce penzanno a’ gente brava ‘e ‘stu paese e quanto ‘a vonno bbene ‘a ‘sta Città. Primma ‘e trasì dinte ‘o purtone ‘e casa ‘a reto me vutaje pe’ guardà. …Cuntento me facietto ‘nu suspiro e, assaje, felice iette a me cuccà! |
|
Titolo: Me voglio fa’ ... Data Inserimento: 17/7/2023 alle ore : 12:50 ‘addò ‘a luntano veco tutte cose; …‘addò se vede Procida e Pusilleco; …‘addo’ se sente ‘addore ‘e ciente rose. Me voglio fa’ ‘na casa grossa assaje pecchè ce voglio mettere azzeccato, pe’ faccio ‘e mmure, attuorne, arrepezzato, tutte ‘e ritratte ‘e chi sò ‘nnammurato. Me voglio fa’ ‘nu lietto ‘e fronne ‘e loto che cunnulea ‘ncoppa a ll’onna ‘e mare e a tutt’ ‘e dduje, stannece abbraciate, ce lassa arricurda cose cchiù care. Me voglio fa’ ‘na barcunata a vista addo ce splenne ‘o sole ‘utte ‘e matine; …addò ce metto a fa’ ‘na serenata …treciento sunature ‘e manduline. Me voglio rispecchià ‘inte a ‘st’ uocchie suoje quanno me guarda sotto ‘o chiaro ‘e luna e io “‘mbriaco” ‘e bbene, sottovoce le canto ‘e canzuncelle a’ una ‘a una. Me voglio cunzulà pe’ tutt’ ‘a vita putenne ogni mumento fa sapè ca tene ‘e purtamente ‘e ‘na Reggina e’ io, vicino a essa, so’ ‘nu Rre! |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]