Pubblicate 140 POESIE IN NAPOLETANO
Titolo: Penzo a tte Data Inserimento: 14/7/2023 alle ore : 8:45 …guard’ ‘n cielo e penzo a ttè. Stò ‘n silenzio è forte ‘o sento che ‘stù core cerca a ttè. Stònco ll’ore ‘ncòppe ‘o lietto a guardà pe’ dinte ‘o scuro e chi cerco’ - so sicuro - e pe’ ssempe, sulo a ttè. Po’ m’aiazzo ‘a còppe ‘o lietto …giro sùlo ‘inde a nuttata; …giro ‘a stanza e po’ “m’abbocco” ‘nata vòta a penzà a ttè. Piglio suonno, all’intrasatte, quanne ormaij è già matina e me sonno, tutt’’o tiempo, che io stònco ‘nzieme a ttè. Sònco ‘e sette da matina e tù… sempe llà a durmì. Sòna ‘a sveglia e’ io do lietto nun me voglio cchiù aiazzà. Mentre duorme a suonne chine … io me sento ormaie distrutto. …È passata ‘nata notte senza manco t’abbraccià. Stònco affranto ma nun mollo pecchè ij nenne …te ‘o ggiuro…: Se ‘a notte tù “t’ammusce” a me… se “ndosta” ‘a nervatura. |
Titolo: “Perzechella” Data Inserimento: 14/7/2023 alle ore : 8:43 Ij cchiù te guardo e cchiù ne sò’ tentato - oj “Perzechella” mia, oj “Perzechè” – ‘e te levà da cuollo ‘stu velluto e darte tanta vàse comm’ a muorze e ttanne m’arrennesse ‘e te vasà …quanno arrivasse “all’uosso”, oj “Perzechè”. |
Titolo: Ll’ammore Data Inserimento: 14/7/2023 alle ore : 8:42 …è ddoce cchiù do zzucchero… …te scenne comme ll’aria …‘nfunno pe’ dinte all’anima. …Te fa mancà ‘o respiro quanno, stànno abbracciate, ‘nu vàse o’ ‘nu carizzo t’arriva all’intrasatte. Ll’ammore è comme ‘o mmele …è ddoce cchiù do zzucchero perciò po’ si te manca te siente ‘e ‘scì ‘a ‘mpazzì. Te fa mancà ‘o respiro, quanno, ‘mmiscate ‘e coccole, ‘sti core ca se ‘ntrecciano Stanno a godè da’ gioia. |
Titolo: Pe’ nu “muorzo” ‘e criatura Data Inserimento: 13/7/2023 alle ore : 13:16 Ch’allerezza ch’ hammo avuto chillo juorno dinte 'o còre quanno tu all'improvviso si trasuta ‘inde a ‘sta casa! Quanta gioia s’è criata..., …dinte a ll’aria se sentuta ‘na frischezza 'e primmavera, …’nu prufummo 'e giuventù. S’è cagnàta tutt’ ‘a scena pe’ ‘nu “muorzo” ‘e creatura, che guardannece ‘inte a ll’uocchie, ce saputo “arravuglià”! Mò cchiù niente è comm’ a primma…, pe’ ‘n abbraccio e’ nu surriso, ccà nuje simme cchiù felice ‘a che si venuta tu…! |
Titolo: Còre ‘e prèta Data Inserimento: 13/7/2023 alle ore : 13:15 ca chiste ‘o core mio s’è fatto ‘e prèta e che all’intrasatte nunn te vo cchiu bbene! Si stata tu ca nunn l’hè dato niente… quanno isso te “cantava” ammore eterno; …mò t’ha lassato fòre e tu nun trase… pecchè sta troppo triste e scunzulato. …s’ha fatto ‘a “scorza” attuorno e nun se smove, pure se sotto chiagne pe’ ‘o dulore; …te lassa fòra e nun t’arape ancora …pe’ nun restà deluso ‘n ata vòta! Nun dicere maje cchiù so’ còre ‘e preta se chisto còre nun perdona ancora, …tu dall’ ‘o tiempo ca se scorda ‘o mmale…, fàlle capì che ancora esiste ‘o bbene, e vide ca s’ “arape” ‘n ata vota chella “fenesta” che ce ‘nchiusa tu. |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]