Pubblicate 140 POESIE IN NAPOLETANO
Titolo: Vulesse addeventà ‘n alito ‘e viento Data Inserimento: 17/7/2023 alle ore : 12:37 chillo ca scioscia doce a primmavera e pe’ ccampagne va arrubbanne ‘addore ‘e tutte ‘e rrose rosse e de’ vviole. Me ne vulasse pe’ ccoppa ‘e muntagne, chelle ca cu ‘e pponte vanno ‘nfino a’ ‘n cielo, pe’ me piglià, ‘inte all’aria da matina, chillo prufummo accussì frisco e fino. Sentenne ‘nu canario ‘nnammurato, che canta svulazzanno alleramente, cu ‘na sciusciata ‘e viento m’ afferrasse tutte ‘e cchiù bbelli nnote de ccanzone. Vulesse addeventà ‘n alito ‘e viento, ca tutto ‘o meglio ‘a ‘st’aria s’acchiappasse, po’ me mmiscasse comme a’ ‘nu turnado e tutt’ cose a te, …ij te purtasse. |
Titolo: Napule mio… Data Inserimento: 17/7/2023 alle ore : 12:36 ‘a chisto scoglio ‘n coppe Mergellina, atturniata ‘a brezza da friscura, e veco annanze a ll’uocchie ‘sto splennore. Uocchie lucente so’ ‘stu mare blu. ‘Nu labbro apierto pare ‘sto Vesuvio. ‘Na vocca rossa so’ pe’ mme ‘sti rrose che t’hanno arrialato pe’ ciardino. Me sento nnammurato ‘e ‘sti bellizze ca tutte ‘e juorne m’addimustre tu. ‘Ncantato ij resto mentre cca t’ammiro e nunn riesco a’ casa a riturnà. Restasse notte e ghiuorne ‘nnanze a tte. Nunn me stancasse maje ‘e te guarda, e mentre m’alluntano ‘a chesti rrose… me ne scippo una pe’ t’arricurdà. |
Titolo: Mustafà Data Inserimento: 17/7/2023 alle ore : 12:35 e chesta vita già l’ha cundannato! … È puvuriello e ‘o juorne va giranne pe’ quacche muorze ‘e pane arrialato. È nire, niro comm’a ‘nu tuzzone, …chiù nniro ‘e chella ciorta ca mò tene! ‘O sanno tutte quante a ‘stu guaglione pe’ mode bbelle ‘e quanno te ‘ntrattene. Te cerca ‘a carità stennenne ‘a mano, prianne a tutt’quante comme Santo! …Te guarda ‘nfaccia e doppe, da luntano, fa’ ‘nu surriso e s’’annasconne ‘o chianto. Ormaje tutte quanto ‘o vonno bbene… …‘o ssanno ca nun tene cchiù ‘o pàte e ‘a mamma… chella, ‘e sòrde nunn tene! Tutte ‘sta ggente ‘o tratta comme a’… fràte! Co’chella faccia scunzulata e nnera quanno scurnuso s’avvicina a’ ggente s’accosta sempe co’ bbona maniera chiedenne sempe ‘e ccose… gentilmente. |
Titolo: Passa ‘a Marònna Data Inserimento: 17/7/2023 alle ore : 12:33 dinte a ‘sti viche ‘a ddò se fa peccato, ‘a ddò ‘sta lengua ‘inte ‘e bbucie affònna e penza a parla male uno cu ll’ato. Però po’ ogni còre se fa doce ‘a reto ‘e llastre ‘a ddò ce sta ‘sta ggente che guarda e prega, zitta, sottovoce mentre ‘a Marònna passa lentamente. Lanciano fronne ‘e rosa de balcune, …parènne tanta stelle alliminate …‘ncuollo a Marònna cadono a muntune… facenne chesti strate… culurate. ‘Sto vico mò se vede trasfurmato. ‘St’ addora ‘e ciure e ‘ncienzo ca se sente cu ‘st’ aria nova l’ha purificato, facenne tutte Sante chesta ggente. Lenzole ianche se vedono spàse …segno ‘e purezza e ‘i devozione. ‘Nu raggio ‘e luce trase dinte ‘e ccase e ognuno chiagne da commozione. Ma quanno ‘sta Marònna cagne vico all’intrasatte tutt’ s’arrevota, …ognuno torna a’ esserte nemico, e comme a primma torna ‘n ata vota. |
Titolo: Uocchie ‘e brillante Data Inserimento: 17/7/2023 alle ore : 12:32 vèco ‘e brillà doje stelle, …songo duje uocchie bbelle che me stanno abbaglià. Chisà chi ‘e pporta ‘n fronte ‘sti stelle, assaje, lucente… me fanno, certamente, ‘sto core ‘nnammurà! E’ allora ij mò le dico: Ve prego nun guardate …chist’uocchie oj né ‘nzerrate… …me fanno suspirà! Quanne chiù me fissate …chiù songo ‘nnammurato… …me sento ‘mpapucchiato …so’ ppronto a ve spusà. Nun serve ‘nu tesoro …vuje ‘a dote già purtate …brillante ‘e sei carate chist’uocchie ce so’ già. |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]