Pubblicate 140 POESIE IN NAPOLETANO
Pubblicate 140 POESIE IN NAPOLETANO
|
Titolo: 'O napule Data Inserimento: 17/7/2023 alle ore : 12:49 se pure ‘n ato ammore ‘stu core s’ha truvato, e’ a ffianco ‘o posto tuojo pur’ isso s’è ‘nfezzato. Ma no…! nunn è ‘na femmena! …Nun te tradesse maje pe’ mezzo de’ guaglione; ma song’ ‘nnammurato da squadra ‘e pallone. Chesta se chiamma Napule… ‘sta squadra azzurro cielo che tutto s’ha pigliato… ormaje ne so’ ‘mpazzuto… …ne songo ‘nnammurato! È tutt’ ‘a vita mij! … È comme a tte Marì…! …‘A tengo dinte ‘e vvene… e quanno chesta vènce nunn saccio ca me vène! …Me sento d’ascì pazzo… …‘Sta capa s’arrevota. …‘O sanghe squaqquarea… Marì te ggiuro crideme ‘stu core s’arrecrea…! È troppo bello, assaje… quanno da gioia allucco…, sapisse ‘a contentezza…, quanno ‘ntrasatte vottano ‘a palla dinte a’ rezza! ‘Stu stadio e ‘nu rrevuoto. Figliò, ‘i ca muina… …è tutt’ ‘na magìa! …Ognuno abballa e canta: “Oj vita, oj vita mia…”. Ogne ppaese ‘a tene ‘a squadra ‘e pallone…, straniero e’ttaliano, però nun va co’ core comme ‘o napulitano! Perciò te lasso ditto…, Marì, pe’ quanno ij mòro…, - tu dillo a tutte quante - che tutta azzurra ‘a voglio ‘a nicchia ‘o campusanto! |
|
Titolo: Chi nasce quadro nun po’ murì tunno Data Inserimento: 17/7/2023 alle ore : 12:48 ‘e tutto chisto ammore te scurdato. Tu me giurato nun te lasso maje ma ogni tanto… lasse e te vaje! Mò passe e spasse sotto a ‘stu barcone pe’ sotto ‘o vraccio co’chisto ‘uaglione; …me ‘o faje pe’ dispietto - e chesto è vero – pecchè ij soffro assaje… so’ sincero! Te veco tutte ‘e juorne ca tu passe… Me ‘o faje apposta ca te ‘o puorte a spasse… ‘O ssaccio che me ‘o faje pe’ dispietto pecchè tu nunn ‘o tiene ‘o core ‘mpietto! Però ‘sta storia comme è ghiuta è ghiuta, …‘sta vota, veramente s’è fernuta! …‘Sta vota te ‘o ddico ij ca nun ce torno! …Haggio sufferto troppo notte e ghiuorno, e a chisto punto saje che te dico: Me sa che dice bbuono ‘o ditto antico: “Ncoppe a ‘sta terra ‘a quanno ‘o munno è munno chi nasce quadro nunn po’ murì tunno”. |
|
Titolo: Rosa co’ ‘e spine Data Inserimento: 17/7/2023 alle ore : 12:47 cu ‘na faccella rossa vellutata. Ij… ‘na palomma ca, quase ogni ssera, ‘stu ciore s’addurava pe’ campà. “Vulavo” alleramente p’ ‘o ciardino addò ‘stu ciore steve “piantato”. …Sulo p’ ‘o sfizio do tene’ vicino… vulavo sempe senza me fermà. Tu me diciste: Si… stamme vicino che senza ‘e te ij nunn me firo ‘e stà! Facimmecille ‘nzieme ‘stu cammino… ‘ncoppe a ‘stu “ciore” viene… arrepusà! Ij me credevo ca sive sincera quanne ‘st’ ammore me stive a giurà…! …Haggio sperato ca tutt’ era ‘o vero… ma invece nunn è chesta ‘a verità! ‘N amico m’ha purtato ‘na ‘mbasciata… …ca chisto “ciore” m’ha cacciato ‘e spine. …M’ ha ditto che ‘a rusella prelibata ‘n ata palomma se ‘a steve a vasà. ‘Stu tradimento nunn’ me l’aspettavo… doppe ca dinte ‘a cchiesa me giuraste che ij sulo chisto “ciore” l’adduravo… Invece… me “pugnuto” all’onestà! |
|
Titolo: Maronna 'e ll'Arco mij Data Inserimento: 17/7/2023 alle ore : 12:46 Maronna ‘e ll’Arco mij, Maronna Santa! …Nuje stamme ccà currenno ‘mmiezzo a’ via pe’ te purtà ‘n trionfo ‘n ata vòta pecchè credimme a Tte Maronna mia! Credimme a Tte ca mò ce staje vicino e che ce tiene d’uocchie a’ uno a’ uno pecchè Tu ‘o ssaje quanta sacrificie fanno pe’ Tte, co’ ggioia, ‘sti ‘uagliune! Chi scauze cammina e nun reposa! Chi da ‘a voce e nun se stanca maje! Chi porta ‘ncoppa ‘e spalle ‘na bbandiera! …Ognuno ‘o ffa pe’ Tte e Tu ‘o ssaje! Ognuno ‘e nuje ‘o ffà pecchè se ‘o ssente…! Ognuno ‘e nuje nunn è malamente! …‘E certo ce starrà chi è cchù ‘nzisto ma po’ infondo songhe brava ggente! Maronna ‘e ll’Arco mij, Maronna Santa! Nuje stamme ccà mo tutt’ quante nuje pecchè credimme a Tte e’ ‘o Figlio Tuojo e pe’ ve sta’ vicino a tutt’e dduje! Ognuno ‘e nuje se sente felice quanno Te porta ‘n braccio ‘nu minuto! …Quanno surato de’ fatiche Toje chiagne da’ gioia ‘e Te tenè strignuto. |
|
Titolo: M' haggio sunnato... Data Inserimento: 17/7/2023 alle ore : 12:44 M’ haggio sunnato Fratta, ‘e chille tiempe belle… …quanno pe’ dinte ‘e viche girava ‘a carruzzella. Pe’ strate steve ‘o tramme e’ ij arreto appiso ‘o iuorno passiavo co’ ‘a ggioia e co’ surriso. M’ haggio sunnato quanno ‘a sera co’‘e cumpagne… allintrasatte ieveme fujenne pe’ campagne. ‘O iuorne sbariaveme …‘sta foja s’eva troppa e Fratta ce ‘o giravame ‘o vero sotto e ‘ncoppa. M’ haggio sunnato a mammema ca me faceva ‘a ‘mbosta dignuta ‘e uoglie e zzucchero pe’ coppe ‘o ppane tuosto. Ma manco ‘o tiempe ‘e scennere co’chella ‘mbosta mmano che già essa alluccava: ‘Uaglio va’ chianu, chiano!! M’ haggio sunnato, ‘a iere, ‘e quanno chillo juorne, pe’ “bbascio ‘a l’Arco”, ieveme sfuttene tuorno, tuorne…; …‘e quanno ce ne jetteme, ‘nu sabbato ‘e mmatina, pe’ “ ‘nponta ‘e cienze” a correre, pe’ ‘a strata a fa’ mmuina. M ’haggio sunnato pure ‘e quanno co’ ll’amice “ ‘a reto a’ muntagnella” pazziaveme felice. …Iucaveme ‘o pallone, …a zompa cavalletta, e quanno seve ‘a sera pigliavo ‘a bicicletta. M’ haggio sunnato Fratta ‘e chilli tiempe antiche… …quanno cuntento ijevo pe’ dinte a chilli viche. Crediteme… ‘stu suonno m’è parso tutt’ ‘o vero. Me manca ‘stu paese! …Ve ‘o ddico…: So’ sincero! |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]