Pubblicate 140 POESIE IN NAPOLETANO
Titolo: ‘Nu poco ‘e pace Data Inserimento: 14/7/2023 alle ore : 8:52 ‘stù calore vò ‘nvucà. Ma quant’ afa ca se sente mo ca ‘o viento nun ce stà! Stongo ‘ncopp’ a ‘stu bbalcone, miso all’ombra ‘e ‘nu puntone, a sunnà cu ll’uocchie apierte, ma da vascio tanta “spierte” nun me fanno cuncentrà. Dinte ‘e recchie, nu taluorno. Filumena chiamma ‘o figlio (pare peggio ‘e ‘nu trumbone). Corre ‘o cane appriesso a’vatta (le vò fa ‘nu mazziatone). ‘N auciello che sbarea (vò magna, perciò cinguetta). ‘E criature che pazzeano (a ffa a “zompa cavalletta”). Dinte a ‘st’ora da cuntrora nun mme firo ‘e suppurtà! Cerco ammore co’ pensiero. Cerco ‘a pace e nunn’ ‘a trovo… …guardo ‘a còppo ‘a ‘stu bbalcone e m’affaccio p’alluccà! Ma ‘na vecchia ca me vede (ca penzave me menasse…) dà ‘n allucca - pare ‘a pazza - dice: ferma lasse stà!! Saglie ‘e scale a quatto, a quatto (comme fosse ‘na guagliona), e da’ stizza ca le vène… …va… e me molla ‘nu schiaffone. Ma che faie? E perzo ‘a capa?! Trase dinte e vatte cocca!! Vatte a fa ‘n’ora ‘e cuntrora!! - Dice ‘a vecchia ‘nfuriata - Le rispongo ‘ntussecato: Era chello che vulevo! Ma v’’o giuro, nun ce ‘a faccio …nun mmè firo ‘e suppurtà. …Me menasse veramente se qualcuno me dicesse: Se ‘o vero vuò ‘a pace, ce vò a morte pe’ ‘a truvà! |
Titolo: ‘O cunfronto Data Inserimento: 14/7/2023 alle ore : 8:51 a guardà pe’ ll’ore sàne quanne ‘o sole s’aizzava e faceva tutt’ attuorne ‘nu splennore addevennà. Song’ stat’ a guardà ‘o cielo, doppo fatto ‘na tempesta, aspettanno ‘arcubbaleno i culure ch’ammiscava. Mm’haggio fatto ‘na guardata pure ‘e stelle ‘inte a’ nuttata pe’ cercà llà miezzo a tante ‘a cchiù bella ‘e tutt’ quante; Ma nunn’ haggio maje truvato ‘na bellezza accussì grande ca, vicino a ‘stuocchie tuoje, se putesse cunfruntà! |
Titolo: Penziere triste Data Inserimento: 14/7/2023 alle ore : 8:50 …faciteme ‘a scurda pe’ tutt’ ‘a vita ‘sta ‘ nfama ca mò sulo m’ha lassato e ij ve prumetto ca me trovo a’ ‘n ata… Penziero mij ca bbene me vulite e v’aspettate ‘a me ca nun patite …levateme pe’ ssempe ‘a dinte a’ capa chella ca, ‘o vero, allero nun me sàpe. Ve faccio vedè ij che de allerezza! Ve faccio arrecrià, …ve do ‘a certezza ca tutt’e jorne stongo co’surriso e che nun stongo cchiù co’ “musso appiso”! |
Titolo: ‘O gnurante Data Inserimento: 14/7/2023 alle ore : 8:48 …s’j fosse juto a’ scola pe’ ‘na vota t’arravugliasse ‘e chiacchere addurciose e te sciaravugliasse a bbott’ ‘e vàse. S’j avesse usat’ ‘a penna ‘na mezz’ora io ‘nu pueta m’ ‘o mettesse ‘a n’atto; invece ‘e ne scarabbucchià core azzeccate te ne scrivesse ‘e musica e canzon’; te ne mannasse ‘e lettere ammurose; ne cunzumasse ‘e carta pe’ ‘st’ ammore; ‘e ‘nchiostra, ne facesse scorrere a funtane; …nunn’ abbadasse a spese certamente sulo pe’ fa’ sapè quanto si bbella! Io me firmasse comme ‘nu scrittore “songh’ij Amò…so’ ‘o ‘nnammurato tuojo”. |
Titolo: A volo, a volo Data Inserimento: 14/7/2023 alle ore : 8:47 fuje còmme ‘nu treno ca nun tène fermate, ma passa ‘e corza, ‘e corza, pe’ dinte ‘e stazzione de’ ghiurnate. ‘A vita corre e se nun t’affacce a gguardà fòre, ‘a dinte ‘o fenestièll, a volo, a’ volo, t’accuòrge che nun’ he visto niente… e si già arrivato a destinazzione. |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]