Pubblicate 140 POESIE IN NAPOLETANO
Titolo: 'O ccafè Data Inserimento: 14/7/2023 alle ore : 10:5 …pare peggio 'e ‘nu tuzzone ma nun si mica straniero …tu si nnàto ‘inte ‘o rione... Si, tu si Napulitano, …si de' viche 'e ‘stà città ma ognuno nun te crere ca tu, 'o vèro, si 'e ccà! 'Inte a ‘stì ccàse si crisciuto e ce faje cunzulà! …Quanno appena ce scetamme …già tu viene a ce truvà... Ccà ognuno nun se spòsta…, …nun va manco a faticà se nun dice tu: “Buongiorno”, primma ca po’ se ne và… Tutt’, gruosse e piccerille, nu surzille t'hamme 'a dà… …T'hamme 'a degnere 'e “vasille” tutt' ‘e juorne pe’ sunnà! Da’ matìna ‘nfino e a’ sèra senza 'e te nunn se po’ stà! Senz' ‘a ddore do ccafè nun sapimme cchiù campà! |
Titolo: ‘Sta spòsa è ‘a mia Data Inserimento: 14/7/2023 alle ore : 10:3 e nun riesco manco a te ‘uardà; …n’ haggio truvato ‘nu felillo ‘e vòce pe’dirte: Ammore mj no nunn’’o ffà…! Ij ca te guardo, co’ chist’uocchie ‘nfuse, vulesse dì: Chist’Angelo è do mij! …Facenneme capì senza parlà, ma dinte ‘a Cchiesa te spusata già! E fàtto ‘na prumessa ‘nnanzo a Ddio che cchiù nisciuno te ‘a po’ cancellà! Ma a chi vuò bbene le “stracciato” ‘o còre, lassannelo murì a te guardà. Mò pozzo dì ca cchiù nun si dda mia, pecchè ‘inte ‘e bbraccia vaje ‘e chillo llà, e allora… ‘nu favore cerco a Ddio: ‘A ‘sti penziere t’ ha dda cancellà! |
Titolo: ‘O Cumandante Data Inserimento: 14/7/2023 alle ore : 10:2 Cammina doce, doce mmiezzo ‘o mare ‘na nàve ca carrèa tanta ggente; …s’accosta sotto, sotto pe’ rispetto… pe’ fa’ “l’inchino” a chi s’aveve ‘a fa’. Sòna ‘a sirena… e’ appiccia e stuta ‘a luce… …Saluta ‘o Cumandante ‘a coppe ‘a nave, ma nun s’accorge de ‘na cosa grave…, che ‘a nave s’è scassata tutta quanta! ‘Nu pizzo ‘e scoglio c’è trasuta ‘a dinte e l’ha tagliata comme ‘nu mellone. …Chi se ne accorta se fa ‘inte ‘o cazzone, ma ‘o Cumandante penza a ffa l’ammore! Nisciuno sape ‘o fatto comm’ è ghiuto, …ne tantomeno sape ch’adda fa! Ognuno mò s’arrangia a comme vène, …‘o Cumandante se ne già fijuto! Se crea sulamente ‘na mmuina! …Chi da paura se ce votte a’ mmare. Chi in cerca va ‘e chi teneva care. Ma ‘o tiempo passa e ‘a nave s’è abbuccata! Se cerca sotto e ‘ncoppa ‘o Cumandante, ma intanto ‘o tiempo passa inutilmente e doppe cchiù ‘e n’ora, finalmente, arrivano ‘e scialuppe pe’ salvà…! ‘O Cumandante ca se ne fijuto …le vene ditto a bbuordo ‘e riturnà e ‘i spiegà pecchè già steva ‘n terra, ma ce ‘a risposto: No… ij so caruto…! …Me so’ truvato ‘nterra nun vulenno! Però mo nun ce saglio ‘n ata vota…! Tanto la mia presenza nun se nota pecchè pure ‘a divisa haggio levata! Allora tutt’è chiaro …s’è capito, ca s’è cacato sotto ‘stu ‘uaglione. Ma ‘e strunze ca mò tène ‘inte ‘o cazzone s’era creduto, forse, eramo nuje! |
Titolo: ‘A vìta Data Inserimento: 14/7/2023 alle ore : 10:1 ‘e ciente o’ chiù scalìnep’arrivà, ca quanno buono, buono le fernùta po’ t’addimanne: ma che stongo a fa’? Ormaje so’ sultanto ‘nu turmiento ‘sti scàle che ognuno ha dda saglì! Chesta fatica se ne fuje ‘o viènto penzanno ca po’ sempe ‘e ‘a murì! Mica tutto ‘o bbene ce ‘o purtamme appriesso?! …Pur’ isso ‘nzieme ‘o mmàle resta ccà…! …Chello ca faje, faje è sempe ‘o stesso! …Allora ij penzo: ma chi ce ‘o fa fa’…! Pe’ chesto ij a vvote dico: Che ce ‘mporta ‘e ‘stu cammino comme è ghiuto, è ghiuto! Tanto se lassa tutto “a’ reto ‘a porta” e sempe llà po’ iamme: Inte ‘o tavuto! |
Titolo: ‘A dummèneca Data Inserimento: 14/7/2023 alle ore : 10:0 Stò durmenno a suonne chino ma ‘st’ addòra m’ha scetato! …Stà mammà, co’ mantesìno, a fa’ ‘o pullo ‘mbuttunato. Ca prufummo ca se sente ‘inte a tutt’ ‘a scalinata. …A mammà ij tengo mente cu ‘sta fàccia ‘nfarenata. Ma che dè chesta mmuìna?! …Stà già tutto appriparato. …È dummeneca ‘e mmatìna, …ij me l’ero già scurdàto…! Peppe, ‘e quatto, s’avvicina e s’arrobba ‘o baccalà, …fa ‘na corza ‘inte ‘a cucina e po’ torna a se cuccà! Po’ s’avvia zitto, zitto pure Mena pe’ magnà e se piglia ‘o pesce fritto e ‘i renza se ne và. E… Gianluca – ‘o piccerillo – ‘o furmaggio s’afferrato, …s’è ‘nnascuso “o suricillo” e po’ doppe s’ha magnato! Uno và e’ ‘n ato vène …vanno tutt’ a pezzecà; ‘nnanze a tutto chello bbene… pur’ io corre a me menà…! Stanno pronte già ‘e bbruschette. …Stà menata pure ‘a pasta. S’ha magnato ddoije purpette, Furtunato, e nunn l’abbasta! Pure llòro so’ venute…, ‘Ntunietta co’Patrìzia, e ‘i carcioffole arrustute s’hanno fatto co’ furbizia. Sulo Adamo dòrme ancora, ma è quase miezzi juorne, …se nun vène resta fora… comme ‘a fatto ll’ati juorne. Ma mammà, co’ ‘a vota pesce, ce vo fa’ ‘na mazziata. “Vàtto ‘a vatta e frivo ‘o pesce!” …ha risposta ‘utta ‘ncazzata. Finalmente ce assèttamme tutt’ quante pe’ magnà, e ccà tutt’ quante stamme, …pure ‘o zi’ ‘nzieme a papà. Stà già pronto l’antipasto co’ prusciutto e muzzarelle e ‘nu poco c’è rimasto pure ‘e quatto tracchiulelle. Ma mammà già s’avvicina co’ ragù dinte ‘e piatte; …co’ ‘a bbraciola già vicina …hammo voglia ‘e ce fa’ chiatte! Doppe ‘o pullo cu ‘e ppatàne ce ha purtato ‘e purpetielle e po’ ‘ncoppo a fèlla ‘e pàne… ‘na sasiccia e’ friarielle. Stamme chine ma ‘n’abbaste… ‘o babbà nun pò mancà! Stanne pronte pure ‘e ppaste… …se fa ‘a lotta a ce magnà. Doppe ‘a frùtta e’ ‘o limoncello ce spassàmmo co’ ‘e nucelle. Hammo fatto ‘nu burdello… a chi pèsca ‘e sfugliatelle! ‘A dummèneca è ‘na fèsta… Simme a’ unnece ha ddo mè…. Maje niente chiù ce resta…, …sulo ‘addora do cafè! Penzo ancora a chesta scena …tutt’ a tavula a magnà. Ma mammà già penza a’ cena… stà già pronta a cucenà… |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]