Pubblicate 140 POESIE IN NAPOLETANO
Titolo: Dduje uocchie curalline Data Inserimento: 14/7/2023 alle ore : 9:19 veco ddoje stèlle argiente e ssenza sapè niente… ij vaco a mme spià. Chiano, chiano ij scruto - e qquase m’avvicino - ‘nu suono ‘e mandulìno me pare ggià ‘e sentì. Nun’ vveco niente ‘o scuro; …chisà chi s’annasconne ma ‘o core me risponne: Cchiù sotte và a gguardà! M’accosto a ‘sta fenesta, ‘nguattato ‘a ‘reto ‘o muro, ma manco so’ ssicuro… stà luce che vvo dì. All’impruvvise appare ‘sta coppia ‘e stelle argiente e allora dinte a niente ‘stu core sbbatte già. Songh’ uocche curalline ‘st anema mij me dice. Te guardo e so’ ffelice mentre stongo a sperì. Chi sa qual’ ‘a furtuna - io m’addimanne e ddico - ‘sta sera ‘inte a ‘stù vico ce ‘a fattarria ‘ncuntra. Me pare ‘nu bbucciuolo ‘stu musso avvellutato, …‘stu core m’ha ‘ncantato… …maje cchiù se ne vo ‘ìj. Guard’ ammirato e cerco ‘sti ttrezze toje lucente… …brillano ‘e fuoco ardente …fattelle accarezzà. Suspira ‘e ppassione ‘stu core ‘nnammurato, …io già stò appriparato …so’ prònto a te vasà. |
Titolo: ‘A vicina ‘e casa Data Inserimento: 14/7/2023 alle ore : 9:18 ca è ‘o vero ‘na ‘ndreghera, …se te quaglia …ca muina… …te smerdea ‘e ca manèra. Dice ‘e fatte ‘e tutte quante, pure se nun ghiesce ‘a dinte; …ngiucia ‘n cuollo a tante, e tante …chella nunn se ‘mporta ‘e niente. Le piace ‘e parlà arreto (ccà ognuno è cundannato) mò nisciuno sta cuieto, …tremma tutto ‘o vicinato. Quanne arape chella vocca parla male sempe ‘e nuje, ma ormaie nisciuno abbocca …quanno ‘a vede se ne fuje. È ‘na ‘nfama e’ senza core (e ‘a figlia è tal’ e qquale); n’ hanno visto maje l’ammore… sanno fa’ sultante ‘o mmale. Se ce vedono appartate - a parlà pe’ miezzo a’ via – mamma e figlia … appriparate stanno pronte pe’ fa’ ‘a spia. Quanno fuie ll’ata sera, mentre ‘o scuro me spiaje, co’ ‘na bbotta, ‘e ca manera, …tutt’ ‘e scale sciuliaje. Io penzaie c’è servuta - mo che ‘a capa s’ha scassata - ‘e piglià chella caduta; ma neanche s’è ‘mparata. Pure llà ‘n coppe ‘o spitale se dannava pe’ sparlà; …chella lengua ca fa male …stette pronta pe’ ngiucià. |
Titolo: ‘A furtuna Data Inserimento: 14/7/2023 alle ore : 9:17 …‘nu penziero m’assillava e cu st’uocche spalancate ‘na domanda me facevo: Ma pecchè maje è passata ‘a furtuna a’ casa mia? Ce starragge appiccecato cu ‘sta povera “cecata”?! È ‘o vero ca bannato mmiezzo a’ strada nunn se vede, - ma ‘o cecato si nun vvede va sbattenne a’ ogni llato - perciò m’haggio dimannato: Capitasse a’ uno o’ n’ato, ‘nu mumento affurtunato. …chesta invece stà bbennata ma ‘addò stanne già ‘e denaro… s’è ‘mparata bbona ‘a strada; …maje ‘na vota s’è sbagliata. ‘Stà furtuna è ‘na ‘mbrugliessa …sbricia forse ‘a sotto ‘a bbenna, …sta cercanno ‘e me fa fesso! …Vèco ‘a storia sempe ‘a stessa. Ccà ‘a matassa stà ‘mbrugliata… ma ‘o jorne ca me ‘ncazzo e me saglie ‘a nervatura… piglio ‘a bbenna ‘e ‘sta “cecata” m’ ‘a mett’ ij pe ‘na jurnata… e co’ pacchere a cecata …ll’aggia fa ‘na mazziata. |
Titolo: ‘A iatta nera Data Inserimento: 14/7/2023 alle ore : 9:15 cocch’osa ca ‘inte ‘o lietto v’arrevota; …che all’intrasatte v’ha fatto zumpà e nunn ve ‘a fatto cchiù arrepusà? A me m’è capitato l’ata sera, quanno durmevo ‘o vero a suonne chino …e me sunnà che steva cca vicino, a scianco ‘o lietto mio, ‘na iatta nera. Pareva comme ‘o vero me parlasse e me dicette: ovvi’ tu nunn ‘o saje io stongo ccà vicino a duje passe pe’ dirte ‘na nutizia brutta assaje! Te voglio dì, carissimo ‘uaglione, ca senza ‘nu mutivo o’ ‘na raggione chi tiene a scianco e dorme a suonne chino a iere t’ha mannato a San Martino! Le rispunnietto: Me ‘mpaurentuto! ‘A iatta nera ‘o ssaie ca vò dì?! io stevo già a penza ca hero ‘a murì!!; …Gia me vedevo stiso ‘inte ‘o tavuto! Invece songo stato affurtunato ‘e chesto ca me ditto chesta sera, …se chesta ‘nfama se ne piglia a’ ‘nato… io vaco a me truvà ‘n ata mugliera. Però te voglio dì: Famme ‘a prumessa che vaje nu poco ‘n zuonno pure a’ essa e vacce a dì che ccà nisciuno è fesso, che a San Martino essa c’è ghiuta ‘o stesso. |
Titolo: Tengo ‘o ffuoco dinte ‘e vvene Data Inserimento: 14/7/2023 alle ore : 9:13 tutt’ ‘e juorne tu me dice: Ià ‘uagliò tiene pacienza ca Gesù ce bbenerice. Nun da’ retta lasse stà, …chella cosa nun se po fa’, …nunn’ ghi’ ‘e prèssa ca ‘o Signore maje te perdunarrà! Ma te ggiuro, bella mia io ‘o vero t’aspettasse, ‘e saglì’ primme all’altare, se ‘stà foja me passase. Io nun so’ comme chill’ato!, (chillo primmo ‘nnammurato) che ll’è fatto addeventà, pure, miezzo affemmenato! …Tengo ‘o ssanghe ca me volle! …Tengo ‘o ffuoco dinte ‘e vvene! …Chella smania ‘e te vasà… cchiù te veco e cchiù me vène. …‘O Signore nun me perdona?! Ma pur’ij stò “mise ‘n Ccroce”!, …Manco ‘a notte nun’ reposo!; …Tengo ‘a capa che me coce! Io nun so’ comme ‘o Signore, che ‘e pacienza fà virtù, …so’ ‘nu grand’ peccatore …nun so’ comme pienze tu! Ma purtroppo piccere… nun vuò sentere raggione?! Dice: jà hange pacienza …rispettammo ‘a religione. Ma ‘stà stòria, bbella mia, ‘a che songo ‘nnammurato, stà duranne ‘a troppo tiempo… …stong’ triste e scunzulato; ma pe’ nun fà“ ‘a fine” ‘e chill’ato, ‘o ssaccio ij qual è ‘a truvata; …ce ‘o prumetto ij ‘o Signore… …ij me cagno ‘a ‘nnammurata! |
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28]